OBBO MUKTAR KEDI BARA 2016 IRRAA KAASEE EESSA JIRA?
TEAM LAMMA-Gareen jedhamee OPDO Duraanii ykn ODP ammaa keessaa uumamee kan P/M/N Oromiyaa Obbo Lammaa Magarsaatiin dursamu duuba irraan qeerroo hiriirsisee gamoo gabrummaa jabaa woyyaaneen saba keenya irraa jijjigsuuf dimaamitii cimaa PM.DR.Abiy Ahmeditti baachisanii erga masaraa mootummaa seensisan booda jijjiiramoota baayyee agarree jirra.
-Qaamotni dinagdee biyyattii akka lafee ququmsanii nyaatan himannaa tokko bale bilisaan akka jiraachuu danda'an arguu eegalle.
-Dhaabbileen siyaasaa hedduun biyya irraa baqatanii biyya namaatti siyaasa biyattii irratti hojjechaa turan maqa balleessi isaan irratti mootummaa biyya keessaan geggeeffamu dhaabbatee bilisaan biyya keessa galanii dhimma siyaasa isaanii geggeeffachuu akka danda'an agarre.
-Miidiyaaleen garagaraa kan dhimma siyaasa biyyattii irratti mormii geggeessanis bilisa bahanii akka biyya keessa seenanii yaada isaanii bilisaan akka geggeeffatan godhame.
-Hidhamtoonni(sirreeffamtoonni)siyaasaa hedduunis bilisa bahanii akka biyya isaanii irratti falmii karaa nagayaa geggeeffataniif haalli sirraahe.
kun hundi godhanee osoo jiruu Prezdaantii Mootummaa Naannoo Oromiyaa duraanii kan turan Obbo Muktaar Kadiir wayta taayitaa isaanii irra turanitti gaariis haa dalagan badaa siyaasa biyyattii wayta sana ture madaallii keessa galchamee namni kun hayyuu ilma Oromoo tokko,badii isaa olii kan hojjetanii turaniyyuu harra dhiifamni godhameefii abaaboofi marga jiidhaa,dammaafi aannaniin simataa Ida'amni Obbo Muktar Kedir irratti hin hojjenne albaadhessummaadha.
waan kana mootummaan naannoo Oromiyaa hubatee nama kana akka dhaaba kan keessatti shoora isaa bahatuuf carraa kennuufiin dirqama jedheen yaada.bara kana wanni saba Oromoo keessatti agarru akka kubbaa miilaa badii hedduu dalagdee deeggartoota qabaannaan badiin kee akka jaakkeettii sirraa bahee bilisaan boontee jiraatta.kun akka hafuuf garuu waliif yaaduufi garaa baldhachuun furmaata jedheen yaada.horaa bulaa. Mohammed Bin Aljazeera
